دبئی ( پاک ترک نیوز) آئی سی سی کی نئی ٹی ٹوئنٹی اور ایک روزہ عالمی رینکنگ جاری کردی گئی۔ٹی ٹوئنٹی بلے بازوں کی درجہ بندی میں بھارت کے ایشان کشن پہلی جبکہ ابھیشک شرما دوسری پوزیشن پر موجود ہیں، پاکستان کے صاحبزادہ فرحان کی تیسری پوزیشن برقرار ہے۔بھارت کے شریاس ایئر نے 18 درجے بہتری کے بعد ساتویں پوزیشن حاصل کرلی، ویسٹ انڈیز کے شرفین ردرفورڈ 10 درجے ترقی کے بعد 37 ویں نمبر پر آگئے۔پاکستان کے حسن نواز نے شاندار 62 درجے کی لمبی چھلانگ لگائی اور 49 ویں پوزیشن پر پہنچ گئے۔
یہ بھی پڑھیں: ڈی جی حج تیسری بار بلانے پر بھی پیش نہ ہوئے، سینیٹ کمیٹی برہم
ٹی ٹوئنٹی بولر کی درجہ بندی میں افغانستان کے راشد خان ایک بار پھر دنیا کے نمبر ایک گیند باز بن گئے۔ راشد خان نے پاکستان کے ابرار احمد سے پہلی پوزیشن چھین لی، ابرار احمد ایک درجے تنزلی کے بعد دوسرے نمبر پر چلے گئے۔بھارت کے اکشر پٹیل نے 16 درجے بہتری کے بعد ساتویں پوزیشن حاصل کرلی، بنگلہ دیش کے نسوم احمد تین اور مہدی حسن 10 درجے بہتری کے بعد بالترتیب آٹھویں اور نویں نمبر پر پہنچ گئے۔ٹی ٹوئنٹی آل راؤنڈرز کی درجہ بندی میں زمبابوے کے سکندر رضا کی پہلی پوزیشن برقرار ہے۔ایک روزہ بلے بازوں کی درجہ بندی میں بھارت کے شبمن گل بدستور نمبر ایک بلے باز ہیں۔ نیوزی لینڈ کے ڈیرل مچل ایک درجے بہتری کے بعد دوسرے نمبر پر آگئے، جبکہ بھارت کے ویرات کوہلی ایک درجے تنزلی کے بعد تیسرے نمبر پر چلے گئے۔پاکستان کے بابر اعظم بھی ایک درجے تنزلی کے بعد ساتویں پوزیشن پر آگئے، جبکہ بھارت کے کے ایل راہول نے سات درجے بہتری کے بعد ٹاپ 10 میں جگہ بناتے ہوئے دسویں پوزیشن حاصل کرلی۔ایک روزہ گیند بازوں کی درجہ بندی میں افغانستان کے راشد خان کی پہلی اور پاکستان کے ابرار احمد کی دوسری پوزیشن برقرار ہے۔
