اسلام آباد ( پاک ترک نیوز) نائب وزیراعظم اور وزیر خارجہ اسحاق ڈار کی عالمی جوہری توانائی ایجنسی کے ڈائریکٹر جنرل اور اقوام متحدہ کے سیکریٹری جنرل کے امیدوار رافیل گروسی سے ٹیلی فونک گفتگو ہوئی۔گفتگو کے دوران خطے کی بدلتی ہوئی صورتحال اور کشیدگی میں کمی کے لیے اقدامات پر تبادلہ خیال کیا گیا۔اسحاق ڈار اور رافیل گروسی نے اتفاق کیا کہ کشیدگی میں کمی کے لیے اسلام آباد مفاہمتی یادداشت پر عمل درآمد بہترین راستہ ہے۔
رافیل گروسی نے ضرورت پڑنے پر تکنیکی معاونت فراہم کرنے کی پیشکش بھی کی۔اسحاق ڈار نے اقوام متحدہ کے منشور کے مقاصد و اصولوں، بین الاقوامی قانون اور معاہدوں کی پاسداری کے عزم کا اعادہ کیا۔نائب وزیراعظم کا کہنا تھا کہ عالمی امن اور ترقی کے ایجنڈے کے حصول میں اقوام متحدہ کے نظام کی اہمیت ناگزیر ہے۔
یہ بھی پڑھیں: امریکی سپریم کورٹ نے ٹرمپ کی ڈاک کے ذریعے ووٹنگ پر پابندی کی درخواست مسترد کر دی
اسحاق ڈار نے رافیل گروسی کو اقوام متحدہ کے سیکریٹری جنرل کے عہدے کے لیے انتخابی مہم پر نیک خواہشات کا اظہار بھی کیا۔
