دبئی ( پاک ترک نیوز) دبئی: انٹرنیشنل کرکٹ کونسل (آئی سی سی) نے ون ڈے اور ٹیسٹ کرکٹ کی تازہ پلیئرز رینکنگ جاری کر دی ہے، جس میں پاکستانی بیٹر بابر اعظم کی ون ڈے بیٹنگ رینکنگ میں دو درجے تنزلی ہوئی ہے، جبکہ بھارتی بیٹر شبمن گل نے پہلی پوزیشن برقرار رکھی ہے۔ون ڈے بیٹرز رینکنگ میں بھارت کے شبمن گل پہلے، نیوزی لینڈ کے ڈیرل مچل دوسرے اور بھارت کے ویرات کوہلی تیسرے نمبر پر برقرار ہیں۔
انگلینڈ کے بین ڈکٹ اور ہیری بروک چھ، چھ درجے ترقی کے بعد بالترتیب ساتویں اور آٹھویں نمبر پر پہنچ گئے ہیں، جبکہ پاکستان کے بابر اعظم دو درجے تنزلی کے بعد نویں نمبر پر چلے گئے ہیں۔سری لنکا کے کوشل مینڈس چار درجے نیچے آ کر بارہویں نمبر پر پہنچ گئے، جبکہ سری لنکا ہی کے جنیتھ لیاناگے دس درجے بہتری کے بعد پندرہویں نمبر پر آ گئے۔ زمبابوے کے سکندر رضا سات درجے ترقی کے بعد بیسویں نمبر پر پہنچ گئے۔
سری لنکا کے پون رتھنائیکے نے 39 درجے ترقی کرتے ہوئے 36ویں پوزیشن حاصل کی، جبکہ پاکستان کے شاداب خان 32 درجے بہتری کے بعد 92ویں نمبر پر آ گئے۔ون ڈے بولرز کی رینکنگ میں افغانستان کے راشد خان کی پہلی پوزیشن برقرار ہے۔ جنوبی افریقہ کے کیشو مہاراج ایک درجے ترقی کے بعد دوسرے نمبر پر آ گئے، جبکہ پاکستان کے ابرار احمد ایک درجہ تنزلی کے بعد تیسرے نمبر پر چلے گئے۔پاکستان کے شاہین شاہ آفریدی دو درجے ترقی کے بعد چھٹے نمبر پر پہنچ گئے، جبکہ افغانستان کے عظمت اللہ عمرزئی 13 درجے بہتری کے بعد ساتویں پوزیشن پر آ گئے۔نمیبیا کے برنارڈ شولٹز نو درجے ترقی کے بعد آٹھویں نمبر پر پہنچ گئے۔ سری لنکا کے دنیتھ ویلالاگے آٹھ درجے بہتری کے بعد 19ویں نمبر پر آ گئے، جبکہ پاکستان کے حارث رؤف نو درجے تنزلی کے بعد 29ویں نمبر پر چلے گئے۔ سری لنکا کے دلشان مدوشنکا نے 20 درجے ترقی کرتے ہوئے 37ویں پوزیشن حاصل کی۔ون ڈے آل راؤنڈرز کی رینکنگ میں افغانستان کے عظمت اللہ عمرزئی کی پہلی پوزیشن برقرار ہے، جبکہ افغانستان کے محمد نبی پانچ درجے ترقی کے بعد تیسرے نمبر پر آ گئے ہیں۔آئی سی سی کی ٹیسٹ رینکنگ میں جنوبی افریقہ کے مارکو یانسن نے نمایاں ترقی حاصل کرتے ہوئے بولرز کی فہرست میں پہلی پوزیشن سنبھال لی ہے۔ آسٹریلیا کے خلاف دوسرے ٹیسٹ میں آل راؤنڈ کارکردگی دکھانے والے یانسن پانچ درجے ترقی کے بعد نمبر ون ٹیسٹ بولر بن گئے۔
یہ بھی پڑھیں: سپریم کورٹ بار ایسوسی ایشن کے سالانہ انتخابات کل ہوں گے
آسٹریلیا کے مچل اسٹارک ایک درجہ تنزلی کے بعد دوسرے نمبر پر چلے گئے، جبکہ اسکاٹ بولینڈ تین درجے ترقی کے بعد چھٹے نمبر پر آ گئے۔ جنوبی افریقہ کے ویان ملڈر دس درجے بہتری کے بعد 43ویں پوزیشن پر پہنچ گئے۔ٹیسٹ بیٹرز کی رینکنگ میں انگلینڈ کے ہیری بروک کی پہلی پوزیشن برقرار ہے، جبکہ جنوبی افریقہ کے ٹیمبا باووما چار درجے ترقی کے بعد دوسرے نمبر پر آ گئے ہیں۔آسٹریلیا کے اسٹیو اسمتھ تین درجے تنزلی کے بعد پانچویں پوزیشن پر موجود ہیں۔ٹیسٹ آل راؤنڈرز کی فہرست میں جنوبی افریقہ کے مارکو یانسن ایک درجہ ترقی کے بعد پہلے نمبر پر آ گئے ہیں، جبکہ بھارت کے رویندرا جڈیجا ایک درجے تنزلی کے بعد دوسرے نمبر پر چلے گئے۔جنوبی افریقہ کے سائمن ہارمر نے 15 درجے ترقی کرتے ہوئے آٹھویں پوزیشن حاصل کی۔
