لاہور( پاک ترک نیوز) لاہور ہائیکورٹ میں بانی پی ٹی آئی کی بہنوں علیمہ خان، عظمیٰ خان اور نورین نیازی کی نظر بندی میں توسیع کے خلاف درخواستوں پر سماعت دوپہر دو بجے تک ملتوی کردی گئی۔
لاہور ہائیکورٹ میں بانی پی ٹی آئی کی بہنوں علیمہ خان، عظمیٰ خان اور نورین نیازی کی نظر بندی میں توسیع کے خلاف درخواستوں پر سماعت دوپہر دو بجے تک ملتوی کردی گئی۔جسٹس عبہر گل نے سکینہ نیازی اور شاہ ریز کی درخواستوں پر سماعت کی۔ درخواست گزاروں کی جانب سے وکیل رانا مدثر عمر ایڈووکیٹ عدالت میں پیش ہوئے۔عدالت نے ہوم سیکرٹری پنجاب سے تینوں بہنوں کی نظر بندی میں توسیع سے متعلق رپورٹ طلب کرلی، جبکہ نورین نیازی کی بیماری کے حوالے سے جیل حکام سے بھی رپورٹ طلب کی گئی ہے۔
نظر بند بہنوں سے ملاقات کی اجازت کے معاملے پر آئی جی جیل خانہ جات سے بھی رپورٹ مانگ لی گئی۔
یہ بھی پڑھیں: وزیراعظم آزاد کشمیر افتخار گیلانی آج راولاکوٹ پہنچیں گے
درخواست گزار کے وکیل نے مؤقف اختیار کیا کہ نورین نیازی شدید بیمار ہیں اور پنجاب انسٹی ٹیوٹ آف کارڈیالوجی میں زیرِ علاج ہیں۔درخواست میں مؤقف اپنایا گیا کہ تیس روزہ نظر بندی مکمل ہونے کے بعد ڈپٹی کمشنر نے سات اکتوبر کو نظر بندی میں توسیع کا نوٹیفکیشن جاری کیا، جو غیر قانونی ہے۔ درخواست گزاروں کے مطابق تینوں بہنوں کی اہلِ خانہ اور وکیل سے ملاقات بھی نہیں کروائی گئی۔درخواست میں عدالت سے استدعا کی گئی ہے کہ سات اکتوبر کو جاری کیا گیا نظر بندی میں توسیع کا نوٹیفکیشن غیر قانونی قرار دیا جائے۔
