کوئٹہ ( پاک ترک نیوز) بلوچستان کے علاقے شیرانی میں المناک حادثہ ، مسافر بس گہری کھائی میں جا گری ،چالیس مسافرجاں بحق ،آٹھ افراد زخمی ہوئے۔جاں بحق افراد میں خواتین اور بچے بھی شامل ہیں۔ زخمیوں کو ژوب کے اسپتال منتقل کر دیا گیا۔
ضلعی انتظامیہ کا کہناہے بس کوئٹہ سے پشاور جا رہی تھی۔ ذرائع کے مطابق بس میں گنجائش سے زائد مسافر سوار تھے۔حادثہ موڑ کاٹتے ہوئے بریک فیل ہونے کی وجہ سے پیش آیا ۔
یہ بھی پڑھیں: بسوں میں ٹریکر نصب کرنے کا فیصلہ
وزیراعلیٰ سرفراز بگٹی نے بس حادثے پر اظہار افسوس کرتے ہوئےامدادی کارروائیاں تیز کرنے کا حکم دے دیا۔ وزیراعلیٰ بلوچستان نے کہا اس مشکل گھڑی میں حکومت بلوچستان متاثرہ خاندانوں کے ساتھ کھڑی ہے۔
