پشاور ( پاک ترک نیوز) بلوچستان سے فتنہ الہندوستان کے دہشت گردوں کے خاتمے کے لیے سیکیورٹی فورسز کا آپریشن ردالفتنہ جاری ہے۔سیکیورٹی ذرائع کے مطابق واشک کے علاقے پلانتک میں سیکیورٹی فورسز نے انٹیلی جنس بیسڈ آپریشن کیا،جس کے دوران 2 دہشت گرد ہلاک کر دیے گئے۔
سیکیورٹی ذرائع کا کہنا ہے کہ ہلاک دہشت گرد ماشکیل پولیس اسٹیشن اور کسٹم ہاؤس پر دہشت گردانہ حملوں میں ملوث تھے۔کارروائی کے دوران دہشت گردوں کی گاڑی بھی تباہ کر دی گئی،جبکہ ہلاک دہشت گردوں کے قبضے سے بھاری مقدار میں اسلحہ اور گولہ بارود برآمد ہوا۔
سیکیورٹی ذرائع کے مطابقبرآمد کیا گیا اسلحہ اور گولہ بارود نہتے بلوچ عوام کی ٹارگٹ کلنگ اور دیگر دہشت گردانہ کارروائیوں میں استعمال کیا جانا تھا۔
یہ بھی پڑھیں: بلوچستان، کم عمر بچیوں کو خودکش حملوں میں استعمال کرنے کا منصوبہ ناکام
سیکیورٹی فورسز نے واضح کیا ہے کہ بلوچستان سے دہشت گردوں کے مکمل خاتمے تک کارروائیاں جاری رہیں گی۔
