لندن ( پاک ترک نیوز) برطانیہ کے وزیرِ اعظم اینڈی برنہم نے کہا ہے کہ انہوں نے امریکی صدر ڈونلڈ ٹرمپ سے ٹیلی فون پر گفتگو کے دوران واضح کیا کہ ان کی حکومت شمالی سمندر میں تیل اور گیس کے ذخائر کے معاملے پر حقیقت پسندانہ اور متوازن پالیسی اختیار کرے گی۔
برطانوی وزیرِ اعظم نے کہا کہ شمالی سمندر میں توانائی کے اہم ذخائر موجود ہیں اور جب عوام توانائی کے بڑھتے ہوئے اخراجات سے مشکلات کا شکار ہوں تو ان وسائل کو مکمل طور پر نظر انداز نہیں کیا جا سکتا۔
دوسری جانب امریکی صدر ڈونلڈ ٹرمپ نے دعویٰ کیا کہ اینڈی برنہم نے انہیں یقین دلایا ہے کہ برطانیہ شمالی سمندر میں تیل اور گیس کی پیداوار کے لیے مزید راستہ کھولے گا۔ ٹرمپ کا کہنا تھا کہ اگر ایسا ہوا تو برطانیہ ایک خوشحال ملک بن جائے گا، کیونکہ شمالی سمندر توانائی کے وسیع ذخائر رکھتا ہے۔
یہ بھی پڑھیں: امریکا ،ایران جنگ بندی ، عالمی منڈی میں تیل کی قیمتوں میں بڑی کمی
یاد رہے کہ برطانیہ کی حکمران جماعت نے گزشتہ عام انتخابات کے منشور میں نئے تیل و گیس کے لائسنس جاری نہ کرنے کا وعدہ کیا تھا، تاہم پہلے سے جاری لائسنسوں کا احترام کرنے کی یقین دہانی بھی کرائی تھی۔
