اسلام آباد( پاک ترک نیوز) عوام پر مہنگائی کا ایک اور پٹرول بم گرا دیا گیا، حکومت نے پیٹرولیم مصنوعات کی قیمتوں میں ایک بار پھر اضافہ کردیا۔ پیٹرول کی قیمت میں 6 روپے 88 پیسے فی لٹر جبکہ ہائی اسپیڈ ڈیزل کی قیمت میں 5 روپے 62 پیسے فی لٹر اضافہ کیا گیا ہے۔ نئی قیمتوں کا اطلاق 17 ستمبر سے ہوگیا ہے۔
نئے اضافے کے بعد پیٹرول کی قیمت 384 روپے 34 پیسے سے بڑھ کر 391 روپے 22 پیسے فی لٹر ہوگئی، جبکہ ڈیزل 415 روپے 83 پیسے سے بڑھ کر 421 روپے 45 پیسے فی لٹر کا ہوگیا۔ اعداد و شمار کے مطابق یکم ستمبر کو پیٹرول 342 روپے 79 پیسے فی لٹر تھا، جو اب 391 روپے 22 پیسے تک پہنچ گیا ہے۔ یوں صرف 17 روز میں پیٹرول کی قیمت میں 48 روپے 43 پیسے کا غیر معمولی اضافہ ہوچکا ہے۔
یہ بھی پڑھیں: لاہور ہائیکورٹ،محمد رضوان کی این سی سی آئی اے نوٹس کے خلاف درخواست مسترد
اسی طرح یکم ستمبر کو ہائی اسپیڈ ڈیزل 370 روپے 41 پیسے فی لٹر تھا، جو اب 421 روپے 45 پیسے تک پہنچ چکا ہے۔ یعنی رواں ماہ ڈیزل 51 روپے 4 پیسے فی لٹر مہنگا ہوچکا ہے۔
