لاہور ( پاک ترک نیوز) لاہور میں ایم سی ایل کی حدود میں 83 عمارتوں کو مخدوش قرار دے دیا گیا۔مخدوش عمارتوں کی فہرست متعلقہ ٹاؤن انتظامیہ کو ارسال کر دی گئی۔
ایم سی ایل نے خطرناک عمارتوں کے مالکان اور مکینوں کو نوٹسز جاری کرنے کا فیصلہ کر لیا ،عوام کو بارشوں کے موسم میں مخدوش عمارتوں سے دور رہنے کی ہدایت کر دی گئی۔
یہ بھی پڑھیں: لاہور میں غیر ملکی خواتین کا اغوا اور زیادتی،6ملزموں کا جسمانی ریمانڈ
شہریوں کی جان و مال کے تحفظ کے لیے خصوصی مانیٹرنگ شروع کر دی گئی ،خستہ حال عمارتوں کے خلاف قانونی کارروائی اور حفاظتی اقدامات تیز کرنے کی ہدایت کی گئی ہے ۔
ایم سی ایل نے متعلقہ افسران کو مخدوش عمارتوں کا فوری سروے مکمل کرنے کا حکم دے دیا۔
