لاہور(پاک ترک نیوز) کوٹ عبدالمالک کے علاقے میں مبینہ پولیس مقابلے کے دوران 3 ڈاکو ہلاک ہوگئے۔پولیس کے مطابق تینوں ڈاکوؤں نے گن پوائنٹ پر میڈیکل اسٹور میں ڈکیتی کی واردات کی اور دکاندار کو فائرنگ کرکے زخمی کردیا۔پولیس کا کہنا ہے کہ واردات کی سی سی ٹی وی فوٹیج بھی سامنے آگئی ہے، جس میں مبینہ طور پر ڈاکوؤں کو واردات کرتے دیکھا جاسکتا ہے۔
پولیس کے مطابق ڈاکو دکاندار سے 22 ہزار روپے نقدی اور لائسنس یافتہ اسلحہ چھین کر فرار ہوگئے تھے۔بعد ازاں پرچی سٹاپ کے قریب ڈاکوؤں کا پولیس سے آمنا سامنا ہوگیا، جہاں دونوں جانب سے فائرنگ کا تبادلہ ہوا۔پولیس کے مطابق فائرنگ کے تبادلے میں تینوں ڈاکو ہلاک ہوگئے۔
یہ بھی پڑھیں: غزہ امن منصوبے پر 30روز میں پیش رفت کا امکان ہے۔ جیرڈ کشنر
پولیس کا کہنا ہے کہ ہلاک ہونے والے تینوں ڈاکوؤں کی عمریں 20 سے 28 سال کے درمیان ہیں اور ان کا تعلق شرقپور سے بتایا جاتا ہے۔
