لاہور( پاک ترک نیوز) لاہور ہائیکورٹ کی نئی 11 منزلہ عمارت میں قائم 26 نئی عدالتوں کا افتتاح کل ہوگا۔ چیف جسٹس لاہور ہائیکورٹ جسٹس عالیہ نیلم 26 نئی عدالتوں کا افتتاح کریں گی۔ذرائع کے مطابق پہلے مرحلے میں فوجداری مقدمات کی سماعت کرنے والے ججز کی عدالتیں نئی عمارت میں منتقل کی جائیں گی۔ سنیارٹی نمبر 16 سے اوپر فوجداری مقدمات کی سماعت کرنے والے ججز کو نئی عدالتوں میں منتقل کیا جائے گا۔
ذرائع کا کہنا ہے کہ نئی عمارت کے گراؤنڈ فلور سے چوتھی منزل تک ہر فلور پر چار، چار عدالتیں قائم کی گئی ہیں۔لاہور ہائیکورٹ کی نئی عمارت میں گراؤنڈ فلور کے علاوہ 8 بالائی اور 2 زیرِ زمین منزلیں شامل ہیں۔ دو زیرِ زمین منزلوں میں سے ایک ججز جبکہ دوسری اسٹاف کی پارکنگ کے لیے مختص کی گئی ہے۔ذرائع کے مطابق نئی عمارت کی ایک منزل پر کانفرنس رومز جبکہ دوسری منزل پر عدالتی ریکارڈ رومز قائم کیے گئے ہیں۔
یہ بھی پڑھیں: لاہور 2026-27کے لیے ایس سی او کا ’’سیاحتی و ثقافتی دارالحکومت‘‘ قرار
نئی عمارت میں ملازمین اور پولیس اہلکاروں کے لیے کیفے بھی قائم کیا گیا ہے۔
