اسلام آباد ( پاک ترک نیوز) وفاقی وزیر داخلہ محسن نقوی نے ایف آئی اے ہیڈ کوارٹر کا دورہ کیا ہے۔ وزیر داخلہ محسن نقوی نے ایف آئی اے ہیڈ کوارٹر میں جاری انفراسٹرکچر کی بہتری کے پراجیکٹ کا معائنہ کیا اور پیش رفت کا جائزہ لیا۔
وزیر داخلہ محسن نقوی نے جاری تعمیراتی سرگرمیوں کو جلد مکمل کرنے کی ہدایت کر دی ہے۔ وزیر داخلہ محسن نقوی کی زیر صدارت اہم اجلاس ہوا۔ محسن نقوی نے سرکاری اداروں میں کرپشن کے خلاف بھرپور کریک ڈاؤن کا حکم دے دیا کہتے ہیں وزیر اعظم کے وژن کے مطابق سرکاری اداروں میں کرپشن کے خلاف زیرو ٹالرنس پالیسی اختیار کی جائے۔ایف آئی اے میں اصلاحات کا عمل اسی سال دسمبر تک مکمل کیا جائے گا ۔
بیرون ممالک ملازمت کے تمام اشتہارات کی آن لائن نگرانی کی جائے اور گمراہ کن اشتہارات کے متعلق عوامی آگاہی کو یقینی بنایا جائے۔ایف آئی اے کو ہر قسم کے منظم جرائم کے خلاف ہراول دستے کے طور پر منظم کیا جائے گا۔
وزیر داخلہ نے ایف آئی اے کو ہر سطح پر مکمل سپورٹ کی یقین دہانی کرائی۔ڈی جی ایف آئی اے ڈاکٹر عثمان انور نے وزیر داخلہ کو ادارے کے متعلق تفصیلی بریفنگ دی۔
سرکاری اداروں میں کرپشن کیخلاف کریک ڈاؤن کا حکم
