لاہور( پاک ترک نیوز) ترجمان پی ڈی ایم اے کا کہنا ہےآئندہ 2 روز کے دوران تک پنجاب کے بیشتر اضلاع میں بارشوں کا امکان ہے۔ لاہور، راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیر آباد، فیصل آباد، خوشاب اور سرگودھا میں بارش متوقع ہے۔
ترجمان پی ڈی ایم اے کے مطابق ساہیوال، شیخوپورہ، سیالکوٹ، نارووال، ، جھنگ، ٹوبہ ٹیک سنگھ، ننکانہ صاحب، چنیوٹ اور گردونواح میں بارش کا امکان ہے۔چنیوٹ، اوکاڑہ، قصور، نورپور تھل، بھکر، میانوالی، لیہ، بہاولپور، بہاولنگر، ڈیرہ غازی خان، ملتان، خانیوال، لودھراں، مظفرگڑھ، کوٹ ادو، رحیم یار خان اور راجن پور میں بھی بارش ہو گی۔
یہ بھی پڑھیں: یورپ میں لوگ اے سی کیوں نہیں لگاتے
ڈی جی پی ڈی ایم اے کے مطابق وزیر اعلی پنجاب مریم نواز کی ہدایات کے پیش نظر صوبے بھر کے کمشنرز و ڈپٹی کمشنرز کو الرٹ جاری کر دیا گیا ،بارشوں کے باعث دریاوں اور ندی نالوں کے بہاو میں اضافہ ہو گا۔آسمانی بجلی سے بچاو کیلئے محفوظ مقامات پر رہیں۔آسمانی بجلی کی گرج چمک کے دوران کھلے مقامات تلے ہرگز نہ جائیں۔
ڈی جی پی ڈی ایم اے نے کہا گردوغبار اور تیز آندھی کے پیش نظر محفوظ مقامات پر رہیں۔سیاح شمالی علاقہ جات کے سفر میں احتیاطی تدابیر اختیار کریں۔۔ایمرجنسی صورتحال میں پی ڈی ایم اے کی ہیلپ لائن 1129 پر رابطہ کریں۔
