تہران (پاک ترک نیوز )ایران کی سپریم نیشنل سیکیورٹی کونسل نے امریکہ کے ساتھ مذاکرات کے لیے سخت شرائط پیش کر دی ہیں۔
سپریم نیشنل سیکیورٹی کونسل کے مطابق امریکہ کو خطے میں دھمکیوں، جنگوں اور ایران کے محاصرے کی پالیسی فوری طور پر ختم کرنا ہوگی۔
ایران نے مطالبہ کیا ہے کہ امریکہ جنگ سے ہونے والے نقصانات کا معاوضہ ادا کرے اور ایران پر عائد تمام پابندیاں ختم کرے۔
سپریم نیشنل سیکیورٹی کونسل کے مطابق مذاکرات کی بحالی کے لیے امریکہ کو ایران کے تمام منجمد اثاثے بھی بحال کرنا ہوں گے۔
ایران نے دوٹوک اعلان کیا ہے کہ جب تک یہ تمام شرائط پوری نہیں کی جاتیں، امریکہ کے ساتھ کوئی مذاکرات نہیں ہوں گے۔
