سیالکوٹ ( پاک ترک نیوز) سیالکوٹ ایئرپورٹ پر گزشتہ کئی برس سے کھڑا لاوارث بوئنگ 767 طیارہ بالآخر نیلام کردیا گیا۔ فلائی جیٹ ایشیا ایئرویز کے اس طیارے کی نیلامی چار لاکھ امریکی ڈالر سے زائد میں ہوئی۔
یہ طیارہ 29 اگست 2017 سے سیالکوٹ ایئرپورٹ پر موجود تھا۔ طیارے پر واجب الادا لاکھوں روپے کے اخراجات بھی نیلامی کے ذریعے وصول کیے گئے۔طیارہ ساز کمپنی کے دیوالیہ ہونے کے باعث یہ طیارہ ناقابل استعمال ہوگیا تھا، جس کے بعد عدالتی احکامات پر اس کی نیلامی کی گئی۔ نیلامی کے لیے جاری اشتہار میں طیارے کی محفوظ بولی چار لاکھ ڈالر مقرر کی گئی تھی۔
یہ بھی پڑھیں: انڈر 19ایشیا کپ فائنل ،پاکستان کو بھارت کیخلاف پہلی کامیابی مل گئی
رپورٹ کے مطابق چارٹر پروازوں کے لیے استعمال ہونے والے اس بوئنگ طیارے کے انجن، نشستیں اور لینڈنگ گیئر درست حالت میں موجود تھے۔سیالکوٹ انٹرنیشنل ایئرپورٹ کے ترجمان محمد عمیر خان نے بھی طیارے کی نیلامی کی تصدیق کردی ہے۔
