ایران جنگ کے خاتمے کی کوشش کے دوران اختیارات محدود کرنے کی قرارداد لائی گئی،ٹرمپ

واشنگٹن (پاک ترک نیوز ) امریکا کے صدر ڈونلڈ ٹرمپ نے کہا ایوانِ نمائندگان نے ایک بے معنی ووٹنگ میں چار بگڑے ہوئے ریپبلکن اراکین اور تمام ڈیموکریٹس کے ساتھ مل کرمیرے جنگی اختیارات کو محدود کرنے کے حق میں ووٹ دیا،
امریکی صدر نے کہا ووٹنگ اس وقت ہوئی ،جب میں اسلامی جمہوریہ ایران کے ساتھ جنگ کے خاتمے کے لیے اپنی آخری مذاکراتی کوششوں میں مصروف تھا۔آخر ایسا غیر محبِ وطن کام کون کر سکتا ہے؟ انہیں بخوبی معلوم ہے کہ مذاکرات کس مرحلے پر ہیں،
امریکی صدر نے کہا ڈیموکریٹس ٹرمپ ڈیرینجمنٹ سنڈروم کا شکار ہیں۔ وہ اس بات کو ترجیح دیں گے کہ ہمارا ملک ناکام ہو جائے، ڈیموکریٹس کی کوشش ہے مجھے میری متعدد کامیابیوں میں ایک اور کامیابی نہ ملے۔جہاں تک ان چار ریپبلکن اراکین کا تعلق ہے، وہ ایک الگ ہی کہانی ہے۔ وہ صرف دکھاوا کرنے والے لوگ ہیں ،انہیں اپنے اس عمل پر شرمندہ ہونا چاہیے۔