واشنگٹن (پاک ترک نیوز )امریکی وزیرِ خزانہ اسکاٹ بیسنٹ کو ایران کی جانب سے جان سے مارنے کی مبینہ دھمکیوں کے بعد اہلِ خانہ سمیت محفوظ مقام پر منتقل کر دیا گیا ہے۔امریکی ٹی وی کی رپورٹ کے مطابق امریکی انتظامیہ کے ایک سینئر عہدیدار نے بتایا کہ ایران کی جانب سے ملنے والی دھمکیاں خطرناک حد تک بڑھ گئی تھیں، جس کے بعد اسکاٹ بیسنٹ اور ان کے خاندان کو ایک فوجی اڈے پر منتقل کرنے کا فیصلہ کیا گیا۔
یہ بھی پڑھیں: ملک بھر میں اسمارٹ میٹرز لگانے کا فیصلہ، اربوں ڈالر قرض لینے کی تیاری
رپورٹ میں دعویٰ کیا گیا ہے کہ امریکی محکمۂ خزانہ نے بھی وزیرِ خزانہ کی منتقلی کی تصدیق کی ہے۔امریکی ٹی وی کے مطابق سیکیورٹی خدشات کے باعث امریکی انتظامیہ کے دیگر اعلیٰ عہدیدار بھی اپنی رہائش گاہیں چھوڑ کر محفوظ مقامات پر منتقل ہو رہے ہیں۔رپورٹ میں مزید کہا گیا ہے کہ اسکاٹ بیسنٹ ایران کی مالیاتی سرگرمیوں کو محدود کرنے کے لیے تجارتی پابندیوں کا سلسلہ جاری رکھیں گے اور مبینہ دھمکیوں کے باعث اپنی پالیسی سے پیچھے نہیں ہٹیں گے۔
