انمول پنکی سے کس نے کب اور کتنی رشوت لی ؟

کراچی( پاک ترک نیوز )انمول عرف پنکی سے کس نے کب اور کتنی رشوت لی حقائق سامنے آنا شروع ہوگئے۔ساوتھ زون کے درخشاں، گزری اور بوٹ بیسن تھانوں کے نام رپورٹ میں سامنے آگئے، منشیات سے متعلق سرکاری ادارے کے ہلکاروں پر رشوت لینے کے الزامات لگائے گئے ، مبینہ طور پر ملزمان سے کروڑوں روپے رشوت لینے کا انکشاف ہوا ہے
رپورٹ کے مطابق مختلف قانون نافذ کرنے والے اہلکار نیٹ ورک سے رابطے میں رہے،منشیات کنٹرول کرنے والے اداروں کے افسر پر متعدد بار گرفتاری کے بعد رشوت لے کر چھوڑنے کا الزام ہے،افسر کو مبینہ طور پر ایک کروڑ سے زائد رقم رشوت میں دی گئی۔انمول عرف پنکی نے سابق شوہر کے خفیہ اداروں سے تعلقات کا بھی اعتراف کیا، ایک شخص کو مبینہ طور پر کراچی کا بدنامِ زمانہ کوکین ڈیلر قرار دیا گیا