کراچی(پاک ترک نیوز ) ملزمہ انمول عرف پنکی کو منشیات کے تین مقدمات میں بری کردیا گیا۔عدالت نے ملزمہ انمول عرف پنکی کی جانب سے دائر تین مقدمات میں بریت کی درخواستیں منظور کر لیں ۔
وکیل صفائی کے مطابق مذکورہ مقدمات میں گرفتار دیگر ملزمان پہلے ہی بری ہوچکے ہیں، جبکہ انمول عرف پنکی کو شریک ملزمان کے بیانات کی بنیاد پر مقدمات میں شامل کیا گیا تھا۔
وکیل صفائی نے مؤقف اختیار کیا کہ شریک ملزمان کے بری ہونے کے بعد انمول عرف پنکی کو بھی مقدمات میں سزا دلوانے کا کوئی امکان نہیں رہا، لہٰذا اسے بری کیا جائے۔
انمول عرف پنکی کے خلاف گزری تھانے میں 2020، 2021 اور 2022 میں منشیات کے مقدمات درج کیے گئے تھے۔ ملزمہ ان مقدمات میں مفرور تھی۔
یہ بھی پڑھیں :میر رضا قتل کیس: تفتیش کے لیے 10 افراد کی فہرست تیار
عدالت نے دلائل سننے کے بعد انمول عرف پنکی کی تینوں مقدمات میں بریت کی درخواستیں منظور کرلیں۔
ذرائع کے مطابق ملزمہ انمول عرف پنکی کے خلاف دیگر مقدمات بھی زیرِ سماعت ہیں۔
