کراچی ( پاک ترک نیوز) ایس آئی یو پولیس نے ڈرگ ڈیلر انمول عرف پنکی کے خلاف منشیات کے مقدمے کا عبوری چالان جوڈیشل مجسٹریٹ جنوبی کی عدالت میں جمع کرا دیا۔پولیس کے عبوری چالان کے مطابق ملزمہ انمول عرف پنکی کو مقدمے میں گرفتار ظاہر کیا گیا ہے۔جوڈیشل مجسٹریٹ جنوبی کی عدالت نے پولیس کی جانب سے جمع کرایا گیا عبوری چالان منظور کرلیا، جس کے بعد مقدمہ ڈسٹرکٹ اینڈ سیشن جج کی عدالت میں منتقل کردیا گیا۔
یہ بھی پڑھیں: حکومت اور اپوزیشن مذاکرات کا دوسرا دور آج، حتمی فیصلوں کا امکان
بعد ازاں سیشن عدالت نے مقدمہ مزید سماعت کے لیے ایڈیشنل ڈسٹرکٹ اینڈ سیشن جج کی عدالت منتقل کردیا۔پولیس کے عبوری چالان میں دعویٰ کیا گیا ہے کہ ملزمہ نے منشیات کی ترسیل کا بڑا نیٹ ورک قائم کر رکھا تھا۔چالان کے مطابق انمول عرف پنکی مبینہ طور پر اپنے سہولت کاروں کے ذریعے منشیات مختلف مقامات پر سپلائی کرتی تھی۔
