فیلڈ مارشل سے ایرانی فوج کے سربراہ کا رابطہ، مشترکہ سرحدوں کو محفوظ بنانے پر اتفاق

راولپنڈی(پاک ترک نیوز ) فیلڈ مارشل سید عاصم منیر سے ایرانی فوج کے سربراہ میجر جنرل عبدالرحیم موسوی کا ٹیلیفونک رابطہ ہوا جس میں مشترکہ سرحدوں کو محفوظ بنانے پر اتفاق کیا گیا۔
تفصیلات کے مطابق ایرانی سفارتخانے کی جانب سے جاری بیان میں کہا گیا ہے کہ فریقین نے مشترکہ سرحدوں پر دہشت گردی ختم کر کے اسے محفوظ بنانے پر اتفاق کیا ہے۔
میجر جنرل عبدالرحیم موسوی نے پاکستان میں سیلاب سے متاثرہ افراد سے ہمدردی کا اظہار کرتے ہوئے کہا ہے کہ ایران اپنے پاکستانی بھائیوں کی مدد کے لیے اپنی بساط کے مطابق ہر ممکن تعاون فراہم کرنے میں فخر محسوس کرے گا۔
انہوں نے ایران اور پاکستان کے دو طرفہ تعلقات پر اطمینان کا اظہار کرتے ہوئے کہا ہے کہ دونوں ممالک مختلف شعبوں میں ایک دوسرے کے ساتھ رابطے اور تعاون کو آگے بڑھا رہے ہیں۔