راولپنڈی(پاک ترک نیوز) راولپنڈی سے پشاور جانے والی خیبر میل ٹرین سنگجانی کے قریب پٹری سے ڈی ریل ہوگئی۔ریلوے ذرائع کے مطابق ٹرین مین لائن پر ڈی ریل ہوئی، جس کے باعث ٹریک پر اپ اور ڈاؤن ٹریفک متاثر ہوئی اور آمدورفت عارضی طور پر روک دی گئی۔واقعے کی اطلاع ملتے ہی ریلوے اسٹیشن راولپنڈی کا عملہ موقع پر پہنچ گیا اور ٹرین کو دوبارہ ٹریک پر بحال کرنے کا کام شروع کیا گیا۔
یہ بھی پڑھیں: راولپنڈی میں تین نئے انڈر پاسز کی تعمیر ستمبر کے پہلے ہفتے میں شروع ہوگی
ریلوے حکام کے مطابق ٹرین کے پٹری سے اترنے کے واقعے میں کسی قسم کا جانی نقصان نہیں ہوا۔ریلوے حکام کا کہنا ہے کہ صبح 11 بجے ٹرین کو دوبارہ ٹریک پر بحال کردیا گیا، جس کے بعد خیبر میل کو پشاور کے لیے روانہ کردیا گیا۔
