اسلام آباد ( پاک ترک نیوز) انتخابی اصلاحات اور ممکنہ قانون سازی کے معاملات پر مشاورت کے لیے پیپلزپارٹی کا اعلیٰ سطحی وفد آج وزیراعظم سے ملاقات کرے گا۔ذرائع کے مطابق چیئرمین پیپلزپارٹی بلاول بھٹو زرداری وفد کی سربراہی کریں گے۔ ملاقات میں ملک کی مجموعی سیاسی صورت حال اور خیبر پختونخوا کے حالات پر تبادلہ خیال کیا جائے گا۔
یہ بھی پڑھیں: ایمان مزاری اور ہادی علی کی پولیس سے جھگڑے کے کیس میں ضمانت منظور
ذرائع کا کہنا ہے کہ ملاقات میں آنے والے دنوں میں متوقع قانون سازی کے معاملات بھی زیرِ غور آئیں گے، جبکہ انتخابی اصلاحات کمیٹی کی تشکیل سے متعلق آئندہ کی حکمت عملی بھی مرتب کی جائے گی۔ملاقات میں حکومت اور پیپلزپارٹی کے درمیان انتخابی اصلاحات کے حوالے سے مشاورت اہمیت کی حامل ہوگی۔
