اسلام آباد ( پاک ترک نیوز) وفاقی وزیر حنیف عباسی کا کہناہے ملکی دفاع کیلئے جانوں کا نذرانہ پیش کرنے والے شہدا قوم کا فخر ہیں، شہداکے خاندانوں کی قربانیاں پوری قوم کی مشترکہ امانت ہیں۔
نیوز کانفرنس میں حنیف عباسی نے کہا مولانافضل الرحمان نے اپنے بیان سے شہدا کے وارثوں کا دل دکھایا ،قومی مفاد کے معاملات پر سب کو ذمہ داری کا مظاہرہ کرنا چاہیے
وزیر ریلوے حنیف عباسی نے کہا پاکستانیت ہی ہماری جدوجہداور سیاست کا محور ہے ،ہم نے سیاست کیلئے قربانیاں دی ہیں، دشمن ہر طرف سے پاکستان پر حملہ آور ہے۔
یہ بھی پڑھیں: وزیر دفاع خواجہ آصف کی مولانا فضل الرحمان کے بیان پر تنقید
حنیف عباسی نے کہا پاکستان کی سالمیت ،استحکام اور ترقی پر کوئی سمجھوتہ نہیں ہو گا ،میرے لیے ملک کی سلامتی سب سے مقدم ہے ،قوم اپنے شہدا اور سکیورٹی فورسز کی قربانیوں کو ہمیشہ یاد رکھے گی ، پاک فوج 35 سال سے مسلسل حالت جنگ میں ہے۔
