ناگا لینڈ ( پاک ترک نیوز) ناگا لینڈ میں بھارتی فوج کے قافلے پر باغیوں کا آئی ای ڈی حملہ ،ایک فوجی ہلاک ،چار زخمی ہو گئے،اموات میں اضافے کا خدشہ ہے ،بھارتی میڈیا کے مطابق دھماکہ خیز مواد آسام رائفلز کے راستے پر سکھووی کے علاقے میں نصب کیا گیا۔
بھارتی میڈیا کے مطابق پیپلز لبریشن آرمی اور منی پور پیپلز فرنٹ نامی باغی تنظیمیں اس علاقے میں بھارتی فوج کے خلاف مسلح بغاوت میں سرگرم ہیں- بھارتی فورسز نے حملے کے بعد سکھووی اور ملحقہ علاقوں میں سرچ آپریشن کے نام پر لوگوں کو گھر بدر کرنا شروع کر دیا۔
بھارتی فوج کے مطابق تاحال کسی تنظیم نے حملے کی ذمہ داری قبول نہیں کی- گزشتہ کئی ماہ سے منی پور میں آسام رائفلز کے کیمپ کے خلاف احتجاج کیا جا رہا ہے-
یہ بھی پڑھیں: ایرانی پارلیمنٹ کا اجلاس ، آبنائے ہرمز کے انتظام سے متعلق بل پیش
سیاسی مبصرین کے مطابق بھارتی فوج کی طرف سے ہراسانی، من مانی گرفتاریاں، انسانی حقوق کی خلاف ورزیاں اور ناگا دیہات کے ساتھ مقبوضہ علاقوں جیسا سلوک کیے جانے کے خلاف شدید ردِعمل پایا جاتا ہے۔ ناگا شورش سے متعلق ہلاکتوں کی تعداد 20 ہزار سے تجاوز کر چکی ہے –
