لاہور( پاک ترک نیوز ) خبر دار ،ہوشیار ،پنجاب سمیت ملک بھر میں موسم پھر بدلنے والا ہے ،بارشیں ہوں گی ،ژالہ باری ہو گی ،آسمانی بجلی گرنےکا بھی خدشہ ہے ،این ڈی ایم اے نے الرٹ جاری کر دیا ۔،۔
ترجمان این ڈی ایم اے کے مطابق پنجاب میں سولہ سے اٹھارہ اپریل تک بادل جم کر برسیں گے ،راولپنڈی ،مری ،گلیات ،اٹک ،جہلم ،چکوال ،تلہ گنگ میں بارش کا امکان ہے لاہور، فیصل آباد، سیالکوٹ اور گجرانوالہ ڈویژن،خوشاب ،منڈی بہاؤ الدین ،جھنگ ،چنیوٹ،بھکر ،لیہ ،راجن پور ،ڈیرہ غازی خان بھی اس موسمی سسٹم کی لپیٹ میں آئیں گے
خیبر پختونخوا، گلگت بلتستان ،آزاد کشمیر میں بھی سولہ سے انیس اپریل تک گرج چمک کے ساتھ بارش ہو گی ،، تیز ہواؤں اور ژالہ باری کا امکان ہے۔،چترال، سوات، مانسہرہ، ایبٹ آباد اور دیگر پہاڑی علاقوں جل تھل ایک ہو گا ۔
وزیراعلیٰ پنجاب مریم نواز کی ہدایت پر صوبے بھر کے کمشنرز و ڈپٹی کمشنرز کو الرٹ جاری کر دیا گیا،پی ڈی ایم اے نے ہدایت کی ہے کہ آسمانی بجلی سے بچاو کیلئے محفوظ مقامات پر رہیں،آسمانی بجلی کی گرج چمک کے دوران کھلے مقامات تلے ہرگز نہ جائیں۔کسان تمام پیشگی اقدامات موسمی صورتحال کو مدنظر رکھتے ہوئے کریں۔سیاح شمالی علاقہ جات کے سفر میں احتیاطی تدابیر اختیار کریں۔
