واشنگٹن ( پاک ترک نیوز) امریکی سینٹرل کمانڈ نے خارگ اور جاسک کے قریب ایرانی آئل ٹینکرز کے خلاف کارروائی کرتے ہوئے پانچ خام تیل بردار بحری جہاز تباہ کرنے کا دعویٰ کیا ہے۔سینٹکام کے مطابق یہ کارروائی پاسدارانِ انقلاب کی جانب سے دو روز کے دوران ایک امریکی جنگی بحری جہاز کو دو مرتبہ بیلسٹک میزائلوں سے نشانہ بنانے کی کوشش کے بعد کی گئی۔امریکی سینٹرل کمانڈ کا کہنا ہے کہ امریکی جنگی جہاز نے ایرانی میزائل حملوں کی کوششیں کامیابی سے ناکام بنائیں اور گشت جاری رکھا، جبکہ ایرانی حملوں میں کسی امریکی اہلکار کو نقصان نہیں پہنچا۔
یہ بھی پڑھیں: پٹرول 5 روپے 58 پیسے مہنگا،ڈیزل کی قیمت 4روپے18پیسے فی لٹر بڑھ گئی
دوسری جانب ایرانی میڈیا کے مطابق امریکی حملوں میں کوئی جانی نقصان نہیں ہوا اور آئل ٹینکرز کے عملے کو کارروائی سے قبل بحفاظت نکال لیا گیا تھا۔امریکی وزیر خارجہ مارکو روبیو نے ایران کو خبردار کرتے ہوئے کہا ہے کہ اگر ایران نے امریکی بحری جنگی جہازوں کو نشانہ بنانے کی کوشش کی تو اسے اپنے آئل ٹینکرز سے محروم ہونا پڑے گا۔
