تہران ( پاک ترک نیوز) امریکا نے مسلسل دوسرے روز ایران پر حملے کیے ہیں ، سریک، چاہ بہار، بندر عباس، کونارک اور ابو موسیٰ کو نشانہ بنایا گیا۔
امریکی حملوں کے بعد چاہ بہار کے بعض علاقوں میں بجلی کی فراہمی معطل ہو گئی۔ امام علی اسپتال پر پروجیکٹائل کا ٹکڑا گر گیا۔ میری ٹائم ٹریفک کنٹرول ٹاور اور ڈپو کو نشانہ بنایا گیا۔
صوبہ بوشہر میں بھی دھماکوں کی آوازیں سنائی دیں ،امریکی حملوں میں بوشہر ایٹمی بجلی گھر محفوظ رہا، ایرانشہر ایئرپورٹ پر حملے میں فائر فائٹر جاں بحق ہو گیا۔
امریکا نے صوبہ گلستان میں ریلوے پل پر فضائی حملہ کیا ہے۔امریکی سینٹ کام کا کہناہے امریکی فوج نےصدر ٹرمپ کی ہدایت پر فضائی کارروائی کی۔
یہ بھی پڑھیں: امریکاایران جنگ ایک بار پھر بھڑک اٹھی
ادھر امریکی حملوں پر ایران نے جوابی وار کرتے ہوئے کویت اور بحرین میں امریکی اڈوں پر حملے کیے ،۔کویت میں دو اور بحرین میں ایک اڈے کو نشانہ بنایا گیا۔
پاسداران انقلاب نے دیگر ملکوں میں بھی امریکی اڈوں پر حملے کرنے کا اعلان کر دیا ،کویت اور بحرین میں ایرانی حملوں کے بعد سائرن بج اٹھے۔
