واشنگٹن ( پاک ترک نیوز) امریکی صدر ڈونلڈ ٹرمپ کا کہنا ہےایران نے مزید حملے کیے تو بیس گنا زیادہ طاقت سے کارروائی کرینگے۔ امریکا ایران کے ساتھ مکمل فوجی جنگ کی طرف واپس جا رہا ہے۔
امریکی صدر نے کہا بحری جہازوں پر حملوں کے ردعمل میں ایران پر حملےکیے، ایسا دوبارہ ہوا تو نتائج کہیں زیادہ سنگین ہوں گے۔ امریکہ اپنی سلامتی پر کوئی سمجھوتہ نہیں کرے گا ۔
یہ بھی پڑھیں: امریکا کے ایران پر حملے ،تہران کی جوابی کارروائی
امریکی صدر نے مزید کہاایران امریکہ کے ساتھ معاہدہ کرنے کی بھرپور کوشش کر رہا ہے، تہران کی سنجیدگی پر شک ہے۔ یقین نہیں کہ ایران مستقبل میں کسی بھی معاہدے کی پابندی کرے گا۔
امریکی صدر ڈونلڈ ٹرمپ نے کہا امریکہ کا مقصد ایران کو جوہری ہتھیار حاصل کرنے سے روکنا ہے۔ امریکہ ایران کے خارگ جزیرے پر بھی قبضہ کرسکتا ہے۔
