واشنگٹن(پاک ترک نیوز)امریکا ایران کو طویل جنگ میں دھکیلنے کا خواہاں نہیں، مذاکرات میں پیش رفت کا اعتراف، جے ڈی وینس نے اہم بیان دے دیا۔ امریکی نائب صدر جے ڈی وینس کا کہنا ہے کہ صدر ڈونلڈ ٹرمپ مشرق وسطیٰ کو ایک طویل جنگ میں دھکیلنے کے خلاف ہیں، ایران کے ساتھ مذاکرات میں کچھ پیش رفت ہوئی ہے، تاہم مزید پیش رفت کا جائزہ لیا جائے گا۔
جے ڈی وینس نے واضح کیا کہ ایران پر دوبارہ حملوں کے لیے کوئی ڈیڈ لائن مقرر نہیں کی گئی۔ امریکا چاہتا ہے کہ ایران کا جوہری پروگرام مستقل طور پر بند ہو، جبکہ آبنائے ہرمز کو بارودی سرنگوں سے پاک کرکے محفوظ تجارتی راستے بحال کرنا اولین ترجیح ہے۔
یہ بھی پڑھیں: ابوظہبی ٹی ٹین لیگ، قومی کرکٹرز پی سی بی کے این او سی کے منتظر
امریکی نائب صدر کا کہنا تھا کہ امریکا ایران میں فوجی مداخلت یا حکومت کی تبدیلی کے لیے زمینی افواج نہیں بھیجے گا۔ ایران میں حکومت کی تبدیلی کا فیصلہ صرف ایرانی عوام کا حق ہے۔
