کراچی ( پاک ترک نیوز) اسٹیٹ بینک آف پاکستان آج رواں مالی سال کی دوسری مانیٹری پالیسی کا اعلان کرے گا۔ اس سلسلے میں مانیٹری پالیسی کمیٹی کا اجلاس اسٹیٹ بینک کے ہیڈ آفس کراچی میں ہوگا۔اجلاس میں ملک کی معاشی صورتحال اور اہم معاشی اشاریوں کا تفصیلی جائزہ لیا جائے گا۔ مہنگائی، معاشی نمو، زرمبادلہ کے ذخائر، شرح مبادلہ اور بیرونی ادائیگیوں سمیت دیگر عوامل کو سامنے رکھتے ہوئے آئندہ کی مالیاتی حکمت عملی طے کی جائے گی۔
مانیٹری پالیسی کمیٹی موجودہ شرح سود میں ردوبدل یا اسے برقرار رکھنے سے متعلق فیصلہ کرے گی۔ اس وقت ملک میں شرح سود 11 اعشاریہ 5 فیصد ہے۔ماہرین کی نظریں اس بات پر مرکوز ہیں کہ اسٹیٹ بینک مہنگائی کے دباؤ، عالمی معاشی صورتحال اور ملک کی مجموعی معاشی کارکردگی کو دیکھتے ہوئے شرح سود میں کمی کرتا ہے، اضافہ کرتا ہے یا موجودہ سطح برقرار رکھتا ہے۔
یہ بھی پڑھیں: آبنائے ہرمز پر ایران اور خلیجی ممالک کا اہم اجلاس ملتوی
شرح سود میں کسی بھی تبدیلی کے براہِ راست اثرات قرضوں، کاروباری سرگرمیوں، سرمایہ کاری، مہنگائی اور عام شہریوں کی مالی لاگت پر پڑ سکتے ہیں۔
