تہران ( پاک ترک نیوز) عمان میں ایران اور خلیجی ممالک کے درمیان آبنائے ہرمز سے متعلق آج ہونے والا اہم اجلاس ملتوی کردیا گیا ہے۔عمانی وزیر خارجہ بدر البوسعیدی نے اجلاس ملتوی کیے جانے کی تصدیق کردی۔ اجلاس میں آبنائے ہرمز میں بحری آمدورفت اور ممکنہ انتظامات سے متعلق معاہدوں پر بات چیت ہونا تھی۔ ایرانی حکام کے مطابق اجلاس بعض علاقائی ممالک کی درخواست پر ملتوی کیا گیا، جبکہ اس حوالے سے فیصلہ تہران اور مسقط نے باہمی مشاورت سے کیا۔ تاہم اجلاس کی نئی تاریخ کا اعلان نہیں کیا گیا۔
یہ بھی پڑھیں: خلیجی ممالک کا متحدہ سیاحتی ویزا جلد جاری ہوگا، خلیجی تعاون کونسل
یہ اجلاس ایسے وقت میں ملتوی ہوا ہے جب آبنائے ہرمز میں کشیدگی کے باعث بحری تجارت شدید متاثر ہے۔ اس سے قبل بحرین بھی مجوزہ اجلاس میں شرکت سے انکار کرچکا ہے، جبکہ بعض خلیجی ممالک آبنائے ہرمز میں محفوظ اور معمول کی بحری آمدورفت کی بحالی کے خواہاں ہیں۔
