اسلام آباد ( پاک ترک نیوز) اسلام آباد ہائی کورٹ نے پی ٹی آئی کے 27 ستمبر کو اسلام آباد لانگ مارچ سے متعلق دائر درخواست پر دلائل مکمل ہونے کے بعد فیصلہ محفوظ کرلیا۔سماعت کے دوران چیف سیکرٹری خیبر پختونخوا اور آئی جی خیبر پختونخوا نے اپنے بیانات حلفی عدالت میں جمع کرا دیے۔چیف جسٹس اسلام آباد ہائی کورٹ سردار سرفراز ڈوگر نے پی ٹی آئی کے نومبر 2024 کے احتجاج کی ویڈیوز عدالت میں چلانے کی اجازت بھی دے دی۔ چیف جسٹس نے کہا کہ ویڈیوز صرف ایک مرتبہ چلائی جائیں گی۔
یہ بھی پڑھیں: تحریک انصاف کا 27 ستمبر اسلام آباد مارچ، وزیراعلیٰ سہیل آفریدی آج لاہور پہنچیں گے
ایڈووکیٹ جنرل اسلام آباد نے ویڈیوز کے حوالے سے مؤقف اختیار کیا کہ یہ کسی صورت پرامن جلسے کا منظر نہیں۔ ویڈیو میں ماہر افراد کو پولیس پر گولے فائر کرتے ہوئے دیکھا جاسکتا ہے جبکہ سرکاری مشینری کے استعمال کے مناظر بھی موجود ہیں۔ایڈووکیٹ جنرل اسلام آباد نے کہا کہ احتجاج کے دوران دو مطالبات کیے جا رہے تھے، ایک سزا یافتہ قیدی کی رہائی اور دوسرا حکومت کو گھر بھیجنے کا مطالبہ، دونوں مطالبات غیرقانونی ہیں۔دلائل مکمل ہونے کے بعد اسلام آباد ہائی کورٹ نے پی ٹی آئی کے 27 ستمبر کے لانگ مارچ سے متعلق درخواست پر فیصلہ محفوظ کرلیا۔
