کوٹلی ( پاک ترک نیوز) پیپلز پارٹی نے آزاد کشمیر میں دھاندلی کے رانا ثناء اللہ کے الزامات مسترد کر دیئے ۔ پیپلز پارٹی کی طرف سے انتخابات میں وفاقی مداخلت اور سرکاری وسائل کے استعمال پر شدید تحفظات کا اظہار کیا گیا ہے۔
پیپلز پارٹی کے رہنما ندیم افضل چن کا کہناہے وفاقی وزراء پولنگ کے روز بھی مختلف سرکاری ریسٹ ہاؤسز اور سرکاری مقامات پر موجود ہیں ۔وفاقی حکومت یا اس کی مشینری کسی بھی قسم کی مداخلت سے گریز کرے۔
یہ بھی پڑھیں: آزاد کشمیر میں الیکشن ،کئی جگہ لڑائی جھگڑے ،بیلٹ باکس کو آگ لگادی گئی
ندیم افضل چن نے کہا پیپلز پارٹی کسی بھی صورت انتخابی دھاندلی برداشت نہیں کرے گی۔ آزاد کشمیر کے عوام اپنی مرضی اور شعور کے مطابق درست فیصلہ کریں گے
