لاہور( پاک ترک نیوز) محرم الحرام کے دوران پنجاب بھر میں 26جون تک دفعہ 144 نافذ کر دی گئی۔محکمہ داخلہ پنجاب کا نوٹیفکیشن جاری کر دیا گیا۔
نوٹیفکیشن کے مطابق محرم الحرام کے منظور شدہ جلوسوں اور مجالس کے علاوہ کوئی نئی اختراع نہیں ہو گی۔ ہتھیاروں اور آتش گیر مواد کی نمائش ، اشتعال انگیز نعروں اور اشاروں پر پابندی لگا دی گئی۔
نوٹیفکیشن کے مطابق جلوسوں کے راستوں پر عمارتوں پر مورچے نہیں بنائے جا سکیں گے ۔ چھتوں پر پتھر، اینٹیں، بوتلیں یا کچرا جمع کرنے پر پابندی لگائی گئی ہے ۔
یہ بھی پڑھیں: پنجاب کا 5903ارب روپے کا بجٹ صوبائی اسمبلی میں پیش
جلوسوں کے راستوں پر عمارتوں کی چھتوں یا دکانوں کے تھڑوں پر بطور تماشائی موجودگی پرپابندی ہو گی۔
نوٹیفکیشن کے مطابق نو اور دس محرم کو موٹر سائیکل پر ڈبل سواری پر پابندی ہو گی۔بزرگ شہری ،خواتین اور قانون نافذ کرنے والے اداروں کے اہلکار مستثنیٰ قرار دے دیئے گئے۔
