انسداد پولیو مہم کادوسرا مرحلہ مکمل ،4کروڑ 47لاکھ سے زائد بچوں کو قطرے پلائے گئے

اسلام آباد ( پاک ترک نیوز) 2026 کی دوسری ملک گیر انسدادِ پولیو مہم کامیابی سے مکمل، 4 کروڑ 47 لاکھ سے زائد بچوں کو پولیو کے قطرے پلائے گئے۔
نیشنل ای او سی کے مطابق پولیو ورکرز کی انتھک محنت کے باعث 4 کروڑ 47 لاکھ سے زائد بچوں تک ویکسین کی رسائی ممکن ہوئی۔بچوں کی قوتِ مدافعت کو مضبوط بنانے کے لیے انہیں پولیو ویکسین کے ساتھ ساتھ وٹامن اے کی اضافی خوراک بھی دی گئی،۔
نیشنل ای او سی کی جانب سے بتایا گیا ہے کہ پنجاب میں 2 کروڑ 30 لاکھ سے زائد بچوں کو پولیو سے بچاؤ کے قطرے پلائے گئے،سندھ میں 1 کروڑ 4 لاکھ سے زائد بچوں کو پولیو کے قطرے پلائے گئے۔
اسی طرح خیبر پختونخوا میں 72 لاکھ 22 ہزار سے زائد بچوں کو پولیو کے قطرے پلائے گئے،بلوچستان میں 26 لاکھ 20 ہزار سے زائد بچوں کو پولیو کے قطرے پلائے گئے،اسلام آباد میں 4 لاکھ 41 ہزار سے زائد بچوں کو پولیو کے قطرے پلائے گئے۔گلگت بلتستان میں 2 لاکھ 92 ہزار سے زائد بچوں کو پولیو کے قطرے پلائے گئے۔
دوسری جانب آزاد جموں و کشمیر میں تقریباً 7 لاکھ 17 ہزار بچوں کو پولیو کے قطرے پلائے گئے،والدین اور کمیونٹی کے بھرپور تعاون نے مہم کی کامیابی میں کلیدی کردار ادا کیا۔مہم کے دوران سیکیورٹی اداروں کے مؤثر اور بروقت تعاون پر انہیں خراجِ تحسین پیش کرتے ہیں۔
نیشنل ای او سی کی جانب سے انسدادِ پولیو مہم کے کامیاب انعقاد پر تمام شراکت داروں اور اسٹیک ہولڈرز کا تہہ دل سے شکریہ ادا کیا۔