نیو یارک ( پاک ترک نیوز) وزیراعظم شہباز شریف آج شام امریکا پہنچیں گے، جہاں وہ اقوام متحدہ کی جنرل اسمبلی کے اجلاس میں پاکستان کی نمائندگی کریں گے۔ذرائع کے مطابق وزیراعظم اپنے دورۂ امریکا کے دوران عالمی امن، قیامِ امن کی کوششوں اور جاری تنازعات کے پرامن حل پر پاکستان کا مؤقف پیش کریں گے۔وزیراعظم خطے میں جاری تنازعات اور ان کے عالمی سطح پر مرتب ہونے والے منفی اثرات کو بھی اجاگر کریں گے۔
یہ بھی پڑھیں: امریکا مشرق وسطیٰ سے بھاگنے کو تیار
شہباز شریف عالمی برادری کی توجہ تنازعات کے پرامن حل، سفارت کاری اور عالمی سطح پر امن و استحکام کی ضرورت کی جانب مبذول کرائیں گے۔وزیراعظم کے دورے کے دوران عالمی رہنماؤں سے ملاقاتیں اور اہم سفارتی رابطے بھی متوقع ہیں۔
