اسلام آباد ( پاک ترک نیوز) صدر آصف زرداری اوروزیرِاعظم شہبازشریف نے کامیاب آپریشنز پرسکیورٹی فورسز کے افسران و اہلکاروں کی پزیرائی کی ہے۔
وزیرِ اعظم شہباز شریف نے ضلع خیبر میں چوبیس خارجیوں اور ضلع نوشکی میں آٹھ فتنہ الہندوستان کے دھشتگردوں کو ہلاک کرنے پر سیکیورٹی فورسز کے افسران و اہلکاروں کی پیشہ ورانہ صلاحیتوں کی تعریف کی ہے۔
وزیراعظم شہبازشریف نے کہا دہشتگردی کی عفریت کے ملک سے مکمل خاتمے تک اس کے خلاف جنگ جاری رکھیں گے۔سیکیورٹی فورسز کے افسران و اہلکار وطن عزیز کے امن کو نقصان پہنچانے والے دھشتگردوں کے خلاف مؤثر کاروائیاں کر رہے ہیں۔
یہ بھی پڑھیں: نوجوانوں کو جدید ٹیکنالوجی ،مصنوعی ذہانت سے آراستہ کرنا وقت کی ضرورت ہے ،وزیراعظم
وزیراعظم نے کہا وطن عزیز کی حفاظت کے غیر متزلزل عزم میں مجھ سمیت پوری قوم افواج پاکستان کے شانہ بشانہ کھڑی ہے۔
وزیراعلیٰ سندھ سید مراد علی شاہ نے کہا دہشتگردوں کو اُن کے حقیقی انجام تک پہنچایا جارہا ہے،سکیورٹی فورسز کی جرأت مندانہ کارروائیاں لائقِ تحسین ہیں۔سکیورٹی فورسز بڑی بہادری کے ساتھ ملک دشمن عناصر کا خاتمہ کررہی ہیں ۔
