کراچی ( پاک ترک نیوز) پیپلز پارٹی کے چیئرمین بلاول بھٹو کا کہناہے ن لیگ کا پہلا وزیراعلیٰ پنجاب بھی دھاندلی کی وجہ سے بنا، ان کا وزیراعظم آر او الیکشن کی وجہ سے بنا، اب یہ آزاد کشمیر میں بھی دھاندلی سے جیتنا چاہتے ہیں۔
چیئرمین پیپلزپارٹی بلاول بھٹو نے جلسے میں ن لیگی قیادت پر پھر تنقید کرتے ہوئے کہا، ن لیگ والے ہمیشہ دھاندلی سے اقتدار میں آتے ہیں، یہ فارم 47 کی وجہ سے بیٹھے ہیں، پیپلزپارٹی ان کی دھاندلی کے باوجود اقتدار میں آتی ہے، ہم انہیں کشمیر میں دھاندلی نہیں کرنے دیں گے۔
بلاول بھٹو نے کہا کشمیر کا فیصلہ کشمیری کریں گے ،کوئی اور صوبہ نہیں کر سکتا اسٹیک ہولڈرز کو کہا سچ اور مفاہمتی کمیشن بن جاتا تو احتجاج بھی رک جائے گا۔جو لوگ سچ اور مفاہمت سے گھبراتے ہیں ،وہ اس قسم کے کمیشن کیلئے تیار نہیں ۔
یہ بھی پڑھیں: پی پی کا آزاد کشمیر الیکشن میں دھاندلی کا الزام ،ثبوت میڈیا کے سامنے رکھ دیئے
بلاول بھٹو زرداری نے کہا مظفرآباد میں رہنے والے آپ کی سازش کو ناکام بنادیں گے، 2 اگست کو تیز کی جیت پکی ہے، ہم تین نسلوں سے کشمیر کی جدوجہد عالمی سطح پر اٹھارہے ہیں۔ تیس پولنگ اسٹیشنز پر نوے فیصد ووٹ پڑے ،کیسے قبول کریں \
بلاول بھٹو نے کہا خونی لیگ معاشی بحران میں لوگوں کو بیروزگار کرتی ہے ۔خونی لیگ کا معاشی فلسفہ یہ ہے کہ غریب غریب تر اور امیر ،امیر تر ہو جائے\
