لاہور( پاک ترک نیوز) لاہور: پنجاب میں صفائی کے نظام کو جدید بنانے کے لیے پاکستان کا پہلا مکمل الیکٹرک سوئیپر ٹرک متعارف کرا دیا گیا۔ وزیراعلیٰ پنجاب مریم نواز شریف نے منصوبے کا افتتاح کیا اور الیکٹرک سوئیپر ٹرک کا معائنہ بھی کیا۔وزیراعلیٰ مریم نواز شریف کو منصوبے کے حوالے سے بریفنگ دی گئی، جس میں بتایا گیا کہ الیکٹرک مکینیکل سوئیپر ٹرک لاہور رنگ روڈ پر صفائی اور سڑکوں کی دھلائی کے لیے استعمال ہوگا۔
فل الیکٹرک سوئیپر اور برومر کی خاص بات یہ ہے کہ یہ پہلی مرتبہ سڑکوں پر موجود پانی کو بھی جذب کرکے صاف کرنے کی صلاحیت رکھتا ہے۔ ایک مرتبہ چارج ہونے کے بعد یہ ٹرک 70 کلومیٹر تک کام کر سکے گا۔منصوبے کے تحت زیرو کاربن اخراج سے فضائی آلودگی میں کمی آئے گی، جبکہ سڑکوں پر گردوغبار اور شور کم ہونے سے ماحولیاتی اور صوتی آلودگی میں بھی کمی ہوگی۔
یہ بھی پڑھیں: خیبرپختونخوا ، نئے تعلیمی سال میں 4 کروڑ مفت درسی کتابیں فراہم کرنے کا فیصلہ
الیکٹرک سوئیپر ٹرک کے استعمال سے ایندھن اور مرمت کے بھاری اخراجات سے بھی بچت ہوگی۔
