اسلام آباد ( پاک ترک نیوز) مشرق وسطیٰ میں جنگ بندی کے لیے پاکستان کی سفارتی سرگرمیوں میں تیزی آ گئی ،نائب وزیراعظم اسحاق ڈار نے سعودی اور ایرانی ہم منصبوں سے الگ الگ ٹیلی فونک رابطے کیے اور تمام فریقین پر زور دیا کہ وہ بات چیت کے عمل کی طرف واپس آئیں۔
ایرانی وزیر خارجہ عباس عراقچی سے گفتگو کرتے ہوئے اسحاق ڈار نے کہااسلام آباد مفاہمتی یادداشت کے مطابق کشیدگی میں کمی اور تحمل کا راستہ اختیار کیا جائے،۔
یہ بھی پڑھیں: امریکی فوج کے ایران پر حملے ،ایک شخص جاں بحق
نائب وزیراعظم نے کہا خطے میں پائیدار امن و استحکام کے لیے مذاکرات اور سفارتکاری موثر راستہ ہے، پاکستان خطے میں امن و استحکام کے لیے تعمیری کردار جاری رکھنے کے لیے تیار ہے۔
