تہران (پاک ترک نیوز )امریکی حملوں کے بعد ایران نے جوابی کارروائی شروع کردی، پاسداران انقلاب نے بڑی تعداد میں امریکی فوجیوں کی ہلاکت کا دعویٰ کیا ہے۔پاسدارانِ انقلاب نے دعویٰ کیا کہ اردن میں امریکی اڈے کو بیلسٹک میزائلوں سے نشانہ بنایا گیا۔اردن کا کہنا ہے کہ اس کی فضائی حدود میں داخل ہونے والے 13 میں سے 10 بیلسٹک میزائلوں کو فضا ہی میں تباہ کر دیا گیا جبکہ تین میزائل آبادی سے دور گرے۔امریکی حکام کے مطابق اردن میں ایرانی حملے میں امریکیوں کا کوئی جانی نقصان نہیں ہوا۔
دوسری جانب ایران نے بحرین میں بھی امریکی اڈے کو ڈرون سے نشانہ بنانے کا دعویٰ کیا ہے جبکہ بحرین کا کہنا ہے کہ ایرانی ڈرونز کو تباہ کردیا گیا۔کویت نے بھی ایرانی ڈرون حملے پسپا کرنے کا اعلان کیا ہے، پاسداران نے عراق کے شہر اربیل میں بھی امریکی اڈوں پر میزائل اور ڈرون سے حملے کیے۔
یہ بھی پڑھیں: امریکی حملے میں شادی کی تقریب نشانہ بن گئی، 4 افراد شہید متعدد زخمی
ایرانی عہدیدار کا کہنا ہے کہ ایران امریکی حملوں کا جواب کئی گنا زیادہ شدت سے ہوگا۔
