تہران ( پاک ترک نیوز) ایرانی صدر مسعود پزیشکیان نے کہا ہے کہ ایران کو امریکا کے ساتھ مذاکرات پر اب کوئی اعتماد نہیں رہا، کیونکہ ماضی میں مذاکرات کے بعد ایران پر حملے کیے گئے اور نئی پابندیاں عائد کی گئیں۔ایک امریکی نشریاتی ادارے کو انٹرویو میں مسعود پزیشکیان نے کہا کہ ایران نے گزشتہ دو سو برس کے دوران کسی ملک پر حملہ نہیں کیا۔
یہ بھی پڑھیں: این اے 168 بہاولپور کا ضمنی الیکشن، ن لیگ کے منیر اقبال چنڑ کامیاب
ایرانی صدر کے مطابق آبنائے ہرمز کی بندش امریکی کارروائیوں کا ایک قدرتی ردعمل تھی، تاہم تمام تنازعات کا حل باہمی تعاون اور مذاکرات میں مضمر ہے۔مسعود پزیشکیان نے کہا کہ ایران مسائل کے حل کے لیے مذاکرات اور تعاون کو اہم سمجھتا ہے۔ایرانی صدر نے سپریم لیڈر مجتبیٰ خامنہ ای کی صحت سے متعلق بھی دعویٰ کیا کہ وہ مکمل طور پر صحت مند ہیں، جبکہ ان کے چہرے اور ٹانگوں پر آنے والے زخم بھی ٹھیک ہوچکے ہیں۔
