از : سہیل شہریار
پاکستان نے SEA-ME-WE 6 سب میرین کیبل کی آفیشل آن بورڈنگ کے ساتھ اپنی ڈیجیٹل تبدیلی میں ایک بڑا قدم اٹھالیا ہے۔ کیونکہ اس نے ملک کو دنیا کے تیز ترین اور جدید ترین زیر سمندر نیٹ ورکس میں سے ایک سے جوڑ دیا ہے۔
یہ اضافہ صرف ایک سال میں پاکستان میں تیسری بین الاقوامی کیبل کی آمد کی نشاندہی کرتا ہے۔ جس نے ڈرامائی طور پر انٹرنیٹ بینڈوتھ میں اضافہ کیا ہے اور عالمی ڈیجیٹل معیشت میں ملک کی پوزیشن کو مزید مضبوط کیا ہے۔
وفاقی وزیر آئی ٹی اور ٹیلی کام شزہ فاطمہ نے اسے مضبوط عالمی کنیکٹیویٹی اور وسیع قومی انٹرنیٹ صلاحیت کی جانب ایک اہم اقدام قرار دیا۔
SEA-ME-WE 6 سسٹم افریقہ-1 اورافریقہ ۔2کیبلز کی گذشتہ ایک برس کے دوران پاکستان آمد کی پیروی کرتے ہوئے تیسری زیر سمندر کیبل ہے جو پاکستان کے زیر سمندر انفراسٹرکچر کی تیز ترین توسیع کی نمائندگی کرتی ہے۔
پاکستان میںٹرانس ورلڈ ایسوسی ایٹس SEA-ME-WE 6 کیبل کا لینڈنگ پارٹنر ہے۔ یہ کیبل ابتدائی طور پر 4 ٹیرابائٹس فی سیکنڈ (ٹی بی پی ایس) اضافی صلاحیت فراہم کرے گا۔ جس سے پاکستان کی کل بینڈوتھ تقریباً 40فیصد تک بڑھ کر 13.2 ٹی بی پی ایس تک بڑھ جائے گی۔ 21ہزار 700 کلومیٹر تک پھیلی اس کیبل نے پاکستان کو سنگاپور سے فرانس تک ایشیا اور یورپ کے تمام ممالک جوڑ دیاہے۔ یہ کیبل کاروبار، کلاؤڈ پلیٹ فارمز اور ڈیجیٹل سروسز کے لیے اعلیٰ حجم کے ڈیٹا کے بہاؤ کو سپورٹ کرتی ہے۔
ٹرانس ورلڈمتوازی طور پر کراچی میں ایک ٹائر III-سرٹیفائیڈ ڈیٹا سینٹر تیار کر رہا ہے جو جنوری 2026 میںکام شروع کرے گا۔ یہ سہولت SMW-6، SMW-5، TW1، اور افریقہ۔2 سمیت بڑے ذیلی نظاموں سے براہ راست جڑے گی۔ یہ پاکستان کا پہلا ڈیٹا سینٹر ہوگا جو ہائی ڈینسٹی اے آئی ورک کابوجھ اٹھانے کے لیے ڈیزائن کیا گیا ہے، جو قومی اور بین الاقوامی دونوںسطحوں کے لیے محفوظ، توسیع پذیر ہوسٹنگ کی پیشکش کرتا ہے۔ جو پاکستان کے کلاؤڈ انفراسٹرکچر، انٹرپرائز نیٹ ورکس، اور مواد کی ترسیل کے ماحولیاتی نظام کو مضبوط کرے گا۔
