مشرق وسطی امن منصوبہ ۔ امیر قطر کی ٹرمپ سے فون پر مشاورت

دوحہ (پاک ترک نیوز)
قطر کے امیر شیخ تمیم بن حماد الثانی نےصدر ڈونلڈ ٹرمپ کے ساتھ ان کے غزہ کے لیے امن منصوبے پر تبادلہ خیال کیا ہے۔ جس میں امن منصوبے کے حوالے سے فلسطینیوں کے خدشات اور درکار ضمانتوں پر تفصیلی مشاورت کی گئی۔
یہ بات امیر قطر کے دفتر کی طرف سے ایک جاری کردہ بیان میں بتائی گئی ہے۔جس میں کہا گیا ہے کہ گذشتہ شب ٹیلی فونک رابطے کےموقع پر امیر قطر نے غزہ کے لیے امن کوششوں کی حمایت کا اعلان کیا اور ان تمام ممالک پر اپنے اعتماد کا اظہار کیا جو امن منصوبے کی حمایت کر رہے ہیں۔تاکہ غزہ میں امن ممکن ہو سکے اور علاقائی سلامتی کے لیے ایسی ضمانتیں فراہم ہو سکیں جو فلسطینیوں کے تحفظ کا باعث بنیں اور خطے میں استحکام لانے کا ذریعہ بنیں۔جبکہ غزہ سے اسرائیلی قابض افواج کے انخلا کو بھی یقینی بنایا جا سکے۔