اسلام آباد ( پاک ترک نیوز) پٹرولیم مصنوعات پر لیوی کے خاتمے کے معاملے پر حکومت اور جماعت اسلامی کی کمیٹیوں کا اجلاس آج ہوگا، جس میں دونوں فریقین کے درمیان حتمی معاہدے کا مسودہ تیار کیا جائے گا۔ذرائع کے مطابق جماعت اسلامی کی دو رکنی کمیٹی، جس میں نصراللہ رندھاوا اور سید فراست شاہ شامل ہیں، حکومتی وفد سے ملاقات کرے گی۔ حکومتی وفد کی قیادت وفاقی وزیر احسن اقبال اور رانا ثنا اللہ کریں گے، جبکہ متعلقہ حکام بھی اجلاس میں شریک ہوں گے۔
یہ بھی پڑھیں: درآمدی گندم بھی آٹے کی قیمتیں کم نہ کر سکی، شہری مہنگا آٹا خریدنے پر مجبور
ذرائع کا کہنا ہے کہ حکومت پٹرولیم مصنوعات پر لیوی مرحلہ وار ختم کرنے پر رضامند ہے۔ اس کے علاوہ 800 سی سی اور 1000 سی سی گاڑیوں کے مالکان کو ریلیف دینے اور زرعی شعبے کے لیے بھی مراعات فراہم کرنے پر اتفاقِ رائے سامنے آیا ہے۔حتمی معاہدے کے مسودے کی منظوری حکومت اور جماعت اسلامی کی قیادت دے گی۔
