اسلام آباد(پاک ترک نیوز)نائب وزیراعظم اسحاق ڈار نے پاکستان کے مقامی طور پر تیار کردہ پہلے فضا سے فضا میں مار کرنے والے فاز میزائل کے کامیاب تجربے پر پاک فضائیہ کو مبارکباد دی ہے۔
یہ بھی پڑھیں: درآمدی گندم بھی آٹے کی قیمتیں کم نہ کر سکی، شہری مہنگا آٹا خریدنے پر مجبور
اسحاق ڈار کا کہنا ہے کہ پاکستانی سائنسدانوں اور انجینئرز کی محنت اور تکنیکی مہارت نے قومی دفاع کو مضبوط بنانے میں اہم سنگِ میل عبور کیا ہے۔
انہوں نے کہا کہ دفاعی ٹیکنالوجی میں خود انحصاری کے فروغ کے لیے سائنسدانوں اور انجینئرز کی خدمات قابلِ تحسین ہیں۔
نائب وزیراعظم کے مطابق فاز میزائل کا کامیاب تجربہ پاکستان کے لیے قابلِ فخر کامیابی ہے۔
