از: سہیل شہریار
وزارت مذہبی امور وبین المذاہب ہم آہنگی نے پرائیویٹ حج سکیم 2026 کے تحت درخواستیں جمع کرانے کی آخری تاریخ میں پانچ دن کی توسیع کرتے ہوئے اسے 17اکتوبرسےبڑھا کے 22 اکتوبر کر دیا ہے۔
وزارت کی جانب سے جاری کردہ تازہ نوٹیفکیشن میں تمام حج گروپ آرگنائزرز کو ہدایت کی گئی ہے کہ وہ حج پالیسی اور پلان 2026 کے مطابق عازمین حج کے لیے بکنگ کا عمل توسیع شدہ ٹائم فریم کے اندر مکمل کریں۔
وزارت کے مطابق اس توسیع کا مقصد حج کوٹے کا مکمل استعمال کرتے ہوئے ان لوگوں کو سہولت فراہم کرنا ہے جو 17اکتوبر کی آخری تاریخ کے اندر اپنی درخواستوں کو حتمی شکل دینے سے قاصر تھے۔
وزارت حج و مذہبی امور کے اعداد وشمار کے مطابق نجی شعبےکے لیے مختص 60,000 نشستوں کے حج کوٹہ میں سے 55,500 درخواستیں موصول ہو چکی ہیںاور 4,500 نشستیںتا حال دستیاب ہیں۔اور ان پر حج بکنگ مکمل کرنے کے لئےپانچ دن کی توسیع دی گئی ہے۔
https://www.youtube.com/shorts/jVCW-kIOIHo
وزارت کے ترجمان نے عازمین حج پر زور دیا ہے کہ وہ کوئی بھی ادائیگی کرنے سے پہلے وزارت کی سرکاری ویب سائٹ پر دستیاب منظور شدہ حج آپریٹرز کی فہرست میں اپنے حج آپریٹرکی تصدیق کریں۔
حج فیس کسی فرد کی بجائے صرف منظور شدہ کمپنیوں کے بینک کھاتوں میں جمع کریں اور اس بات کو یقینی بنائیں۔اور اپنی بکنگ مکمل کرنے پر حج معاہدے کی کاپی اور کمپیوٹرائزڈ رسید دونوں حاصل کریں۔
