اسلام آباد ( پاک ترک نیوز) نائب وزیراعظم و وزیر خارجہ محمد اسحاق ڈار نے سعودی عرب کے وزیر خارجہ شہزادہ فیصل بن فرحان آل سعود سے ٹیلی فون پر گفتگو کی۔
ترجمان دفتر خارجہ کے مطابق اسحاق ڈار نے موریتانیہ کے اسماعیل ولد شیخ احمد کے نئے سیکرٹری جنرل او آئی سی منتخب ہونے پر سعودی وزیر خارجہ کو مبارکباد دی۔ اسماعیل ولد شیخ احمد کا انتخاب متفقہ طور پر عمل میں آیا ہے۔ٹیلی فونک گفتگو کے دوران دونوں وزرائے خارجہ نے علاقائی صورتحال اور باہمی دلچسپی کے امور پر بھی تبادلہ خیال کیا۔
یہ بھی پڑھیں: سانحہ پمز پر پوری قوم سوگوار ہے، یہ سیاست نہیں المیہ ہے: راجہ پرویز اشرف
ترجمان دفتر خارجہ کے مطابق دونوں رہنماؤں نے آر فور کے آئندہ اجلاس سے متعلق بھی گفتگو کی اور مختلف امور پر تبادلہ خیال کیا۔دونوں وزرائے خارجہ نے باہمی رابطوں کا سلسلہ برقرار رکھنے پر اتفاق کیا۔
