مکہ مکرمہ ( پاک ترک نیوز) وزیراعظم شہباز شریف، نائب وزیراعظم و وزیر خارجہ اسحاق ڈار اور فیلڈ مارشل سید عاصم منیر نے عمرہ ادا کیا اور پاکستان کی ترقی، خوشحالی، امتِ مسلمہ کے اتحاد، علاقائی امن اور استحکام کے لیے خصوصی دعائیں کیں۔
پاکستانی وفد نے عمرے کی ادائیگی سے قبل کعبہ شریف کی زیارتِ خاص کی سعادت بھی حاصل کی۔
یہ بھی پڑھیں:دہشت گرد عناصر کے عزائم ہر قیمت پر ناکام بنائیں گے،صدر زرداری
وفد میں وفاقی وزیر دفاع خواجہ آصف، وفاقی وزیر اطلاعات و نشریات عطا اللہ تارڑ اور وزیراعظم کے معاونِ خصوصی طارق فاطمی بھی شامل تھے۔
اس موقع پر وفد نے وطنِ عزیز کی سلامتی، امن، استحکام، معاشی ترقی اور مسلم امہ کی فلاح و بہبود کے لیے خصوصی دعائیں مانگیں۔
